БИШКЕК. 9-сентябрда өкмөттүн регионалдык маселелер боюнча бөлүмүнүн башчысы Саламат Аламанов баш болгон делегация Кытай Эл Республикасына жөнөп кетет. Аламановдун билдирүүсүнө караганда, эки жумага созулчу жумуш сапары учурунда кыргыз-кытай чек арасын демаркациялоонун аякташы боюнча документтер такталат. Ошону менен такталган документтер чек арачыларга берилип, алар жаңы документтин негизинде мамлекеттик чек араны кайтарууга киришет.
