БИШКЕК. Маселе өкмөт укуктарынын көп же азыдыгында эмес, тактыгында жана ачык- айкындыгында, деп билдирди Феликс Кулов дүйшөмбүдө Жогорку Кеңеште журналисттерге. Куловдун айтымында, Акаевдин бийлиги учурунда түзүлгөн бир катар структуралар коррупциянын жаралышын шарттаган. Маселен, Улуттук авиакомпания, «Кыргыз алтын», «Көмүр» мамлекеттик ишканасы өңдүү ишканалар өкмөттүн да, президенттин да эмес, президенттин жакындарынын башкаруусунда болгон. Мындай пикирин өкмөт башчы «Өкмөт жөнүндөгү» мыйзам долбоорун талкуулоо маалында парламентте билдирди.
