БИШКЕК. Жогорку Кеңештин депутаты Муратбек Малабаевге кылмыш иши козголуп, учурда тергөө жүрүүдө. Жакын арада Башкы прокуратура анын депутаттык ыйгарым укугун алып салуу өтүнүчү менен Жогорку Кеңешке кайрылат. Бул тууралуу Башкы прокурор Азимбек Бекназаров парламенттин 2-сентябрдагы отурумунда билдирди. Ошондой эле ал мындан башка да бир эки депутаттка кылмыш иши козголгондугун жана алар учурда сурак берип жаткандыгын кошумчалады. Алардын аты жөнүн азырынча айтуудан Баш прокурор баш тартты.
