БИШКЕК. Бул тууралуу 24-августта өткөн коопсуздук кеңешинде анын катчысы Мирослав Ниязов билдирди. Анын айтымында, өлкөдө кылмыштуу териштирүүлөр менен коштолгон мүлк талаш уланууда. Муну Ниязов Нарын облусундагы (Каракече), Жалалабад облусундагы («Кыргыз пахта»), Оштогу, Карасуудагы жагдайлар менен байланыштырды. Коопсуздук кеңеш катчысынын пикирине караганда, мамлекеттик көзөмөл жүргүзүлбөгөнүнүн кесепетинен мүлк талашка кылмыштуу топтор аралашып жатат жана бул кырдаалдын курчушун, инвестициялык климаттын начарлашын шартташы ыктымал.
