Иран уранды байытуу иштерин бир нече күнгө кийинкиге калтырды. Бул өлкө өзөктүк программасын шаршембиден тарта жандантам деп жаткан. Атом энергиясы боюнча эл аралык агенттик Иранды ал ишин дагы бир жумага кое турууга чакырды. Ал эми Европа Биримдиги менен АКШ Иран өзөктүк программасына кайра киришсе БУУнун Коопсуздук кеңешинде каратабыз деп коркутуп жатат. Евробиримдикке кирген 3 мамлекет 2 жылдан бери Иран менен сүйлөшүүлөрдү жүргүзүп, өзөктүк программасынан баш тартууга көндүрүүгө аракеттенүүдө.
