БИШКЕК. Кыргызстандын мурунку президенти Аскар Акаев 30-июнда “Асошейтед пресс” агенттигине берген интервьюсунда, «мени бийликтен кулатуу планы АКШ тарабынан даярдалган. Буга биздин Орусияга ыктаган тышкы саясатыбыз себепкер болду» деп билдирген. Ал ошондой эле Кыргызстандагы жакырчылык жана жумушсуздук элдин көтөрүлүшүнө себеп болгонун, бирок «чет өлкөлүк фактор негизги ролду ойногонун» белгилеген. АКШнын мамлекеттик департаментинин өкүлү Шон Маккормак Акаевди кулатууга Кошмо Штаттардын катышуусун ырастаган фактылар жок экенин билдирүүдө.
