БИШКЕК. Президенттикке талапкер, «Акыйкат» партиясынын лидери Кеңешбек Дүйшөбаев 21-июнда билдирүү таратып, анда 17-июндагы өкмөт үйүн басып алууга жана массалык баш аламандыкка тиешеси жок экенин маалымдады. Анын айтымында, ал тартип коргоо органында иштеп кеткен атуул катары ар кандай чатактарды куралсыз тынчтык жолу менен чечүүгө аракеттенип келген. Тартип коргоо органдары 17-июндагы окуяны дыкат иликтеп, баарын орду-ордуна коет деп үмүттөнөм деп жазылган билдирүүдө.
