НАРЫН. 13-июндун кечинде таратылган билдирүүдө “Мекеним Кыргызстан жаңы муун” кыймылынын жетекчиси, президенттикке талапкер Урмат Барктабасовду Борбордук шайлоо комиссиясынын президенттикке талапкер катары каттабай жатышы негизсиз деп жазылган. Андан сырткары ал кайрылууда Нарын шаарынын борборуна тынчтык нааразылык акциясын өткөрүүгө уруксат сурап жергиликтүү бийлик ээлерине кайрылышкан. Учурда “Мекеним Кыргызстан» жаңы муун” кыймылынын Нарын шаарында үч миңге чукул мүчөсү болсо, облус боюнча он миңден ашат,- деп билдиришти аталган кыймылдын Нарын шаарындагы кеңсесинен.
