Индиянын Кашмир Штатында машинеге орнотулган бомба жарылып, андан жан кечти террорчу менен кошо бери дегенде 14 киши курман болду, 90го жакын киши жараат алды. Бомба шаардын Пульвама деген чөлкөмүндө, мектеп, коопсуздук кызматынын кеңселери жана почта жайгашкан аймакта болгон. Кол салуунун жоопкерчилигин эч ким өзүнө ала элек. Кашмирдин Индиядан көз карандысыз болуусу, же Пакистанга кошулуусу үчүн ончакты согушкер топ күрөшүүдө.
