БИШКЕК. Жогорку Кеңештин депутаттары алтынчы июндагы отурумунда Акыйкатчы Турсунбай Бакир уулунун жылдык ишмердүүлүгү тууралуу токтом кабыл алышты. Акыйкатчынын ишмердүүлүгү боюнча чечим бюллетень салып, жашыруун добуш берүү аркылуу кабыл алынды. Добуштарды саноо боюнча түзүлгөн эсептөө комиссиясынын маалыматына караганда, залда отурган 59 депутаттын ичинен кырк жети депутат Акыйкатчынын ишин канааттандырарлык деп добуш беришти. Он эки депутат каршы болду.
