Жапонияга кызмат сапары менен келген Орусиянын тышкы иштер министри Сергей Лавров бүгүн Токио шаарында өлкөнүн тышкы иштер министри Нобитака Мачимура менен жолугуп, жылдын аягында Жапонияга президент Владимир Путиндин жасай турган сапарынын өзгөчөлүктөрүн талкуулады. Анткен менен Мачимуранын айтымында, Путин качан келе турганы жана талаштагы аралдар жөнүндө бүгүн эки тарап бир пикирге келе алган жок. Эки өлкө ортосунда дипломатиялык мамиле түзүлгөнүнө быйыл 150 жыл толду.
