БИШКЕК. Мурунку президент Аскар Акаевдин кызы Бермет Акаеванын арызын Биринчи май райондук соту 30-майдан тарта карай баштады. Бул тууралуу 31-майда Борбордук шайлоо комиссиясынан кабарлашты. Бермет Акаева Борбордук шайлоо комиссиясынын чечимин жокко чыгаруу талабы менен сотко кайрылган. Ал эми шайлоо комиссиясы шайлоо учурунда мыйзам бузууларга жол бергендигине байланыштуу Акаеванын депутаттык мандатын токтотуу тууралуу чечимди 17-майда кабыл алган.
