БИШКЕК. 25-майда Борбордук шайлоо комиссиясы президенттикке талапкерлер Турсунбай Бакир уулунун, Гайша Ибрагимованын, Динара Өмүркулованын жана Токтоайым Үмөталиеванын ыйгарым укуктуу өкүлдөрүн каттоодон өткөрүү маселесин карады. Ошондой эле президенттикке талапкер Кубанычбек Апасовдун Кыргызстандын атуулдугун тастыктаган документтерин талапкерликке каттоо мөөнөтү бүткөнгө чейин тапшыруу тууралуу чечим чыгарды. Апасов комиссияга 10 жыл мурда Кыргызстанды таштап Орусияга кетүүсүнө саясий себептер аргасыз мажбур кылганын билдирген. Бул тууралуу БШКнын басма сөз кызматынан маалымдашты.
