НАТОнун башкатчысы Яап де Хооп Скефер Анжиянда болгон кагылышууларга байланыштуу кайрадан кооптонуусун билдирди.

Өзбек бийликтери козголоңчулар менен коопсуздук күчтөрү ортосундагы тирешүүдө 160тан ашуун адам өлдү деп ырастоодо. Оппозиция 500дөн көп адамдын каны төгүлгөнүн айтууда.

НАТО да АКШ, Британия жана башка бир катар өлкөлөргө, эл аралык уюмдар менен укук коргоочу топторго кошулуп, Анжияндагы кан төгүүлөрдү бейтарап комиссиянын иликтөөсүн талап кылды.