БИШКЕК. Өкмөт үйүнүн алдына чыгып жаткан трнспортчу-пикетчилердин талаптары мыйзамсыз. Мындай пикирин дүйшөмбүдө «Кабар» агенттигинде уюштурган маалымат жыйынында транспорт жана байланыш министрлигинин транспорт боюнча башкы инспектору Сулейман Закиров билдирди. Анын билдиргенине караганда, нааразылыкты арендаторлордун коомдук кыймылы менен, жоопкерчилиги чектелген «Акжол» коому уюштуруп жатышат жана алар талаптарды жүргүнчүлөрдүн эмес, айдоочулардын кызыкчылыгынан карап коюп жатышат. Транспортчулар тобу бир нече күндөн бери Өкмөт үйүнүн жанында транспорт тармагынын жетекчилигинин кызматтан кетишин талап кылышууда.
