БИШКЕК. 14-майда Социал-демократиялык партиясынын 7 курултайы болот. 13-майга чейин анын күн тартибине партия лидери Алмаз Атамбаевди президенттикке талапкерликке көрсөтүү жана 24-марттагы ыңкылап менен андан кийинки окуяларга саясий баа берүү маселеси киргизилген болчу. Партиянын басма сөз кызматкеринин маалыматы боюнча, Курманбек Бакиев менен Феликс Куловдун ынтымак меморандумуна кол коюшунан улам курултайда Алмаз Атамбаев президенттикке талапкерликтен баш тартышы мүмкүн.
