БИШКЕК. «Демократия институту» деп аталган коомдук бирикме 3-майда кыргыз калкына, өлкө жетекчилигине кайрылуу менен чыкты. Анда шайлоочуларды аймак боюнча бөлбөй, паспорту боюнча каалаган шайлоо бөлүмчөсүндө добуш берүүгө мүмкүнчүлүк берүү сунушталган. Добуш берген адамдын паспортуна белги коюлуп, натыйжада ал экинчи жолу шайлоого катыша албайт, андан сырткары шайлоочулар тизмесин түзүү жокко чыгарылып, чет өлкөлөрдөгү мигранттардын да шайлоого катышуусуна жол ачылат, деп белгиленген кайрылууда.
