Орус президентинин иш башкаруучусу Владимир Кожин ырастаган маалыматтарга ылайык,азырынча Британиядан ким келери белгисиз. Эстония менен Литва Москвага келгенден баш тартышты. Грузиянын президенти Михаил Саакашвили да майрамга барбай калышы мүмкүн. 3-майда Тбилисиге россиялык эксперттер келет. Тараптар эки өлкөнүн өз ара мамилелериндеги бардык негизги маселелерди талкуулап, жыйынтыктоочу документ даярдоого тийиш. Кокус бул иш көрсөтүлгөн мөөнөттө бүтпөй калса, анда Саакашвили Москвага барбайт. Муну грузин тышкы иштер министри Саломе Зурабишвили ырастады.
