Бириккен Улуттардын баш катчысы Кофи Аннан Индияга келип, өлкө президенти Абдул Калам, премьер-министр Манмохан Сингх жана башка жетекчилер менен жолугушууларды өткөрүүдө. Талкууланган негизги маселе - уюмдун Коопсуздук Кеңешине Индиянын туруктуу мүчө болуп кириши. Кеңешке азыр 15 мамлекет мүчө, алардын бешөө - АКШ, Кытай, Орусия, Улуу Британия жана Франция - туруктуу мүчөлөр, калган он мамлекет кезеги менен алмаштырылып турат.
