БИШКЕК. 5-6-майда Кыргызстанга Түркиянын тышкы иштер министри Абдулах Гүлдүн келери күтүлүүдө. Анын Бишкекте кыргыз жетекчилиги менен жолугушуп, эки тараптуу кызматташууларды өнүктүрүү боюнча сүйлөшүүлөр өткөрөрү белгиленүүдө. Бул тууралуу тышкы иштер министрлигинен кабарлашты. Вице- премьер-министрдин милдетин аткаруучу Адахан Мадумаров Түркиянын министринин Кыргызстанга сапарына даярдык көрүлүп жатканын буга чейин маалымдаган.
