КАРАКОЛ. Кайрылуу райондогу ардагерлер, аялдар жана жаштар уюмдарынын жана дин кызматкерлеринин катышкан жыйында кабыл алынды. Кайрылууга миңден ашуун адам кол коюшту. Кайрылууда республикадагы соңку саясий кырдаалга акыл-эстүүлүк менен карап, кыйын мезгилде Кыргызстан элин сабырдуулукка, токтоолукка чакырык айтылган. “Баа жеткис дөөлөт элдин ынтымагы аркылуу кирет. Демек күнүмдүк кыйынчылыктарды чоң маселеге айландыруудан, аны көбүртүп-жабыртуудан эч нерсе чыкпайт. Ошондуктан күч бирдикте деген кыргыз элинин улуу салтын бекем сактап, бөлүнүп-жарылууга жол бербейли” деп жазылат кайрылууда.
