БИШКЕК.Ушул жылдын 10-июлунда боло турган президенттик шайлоого 60 миллион сом сарпталат. Мындай чечим Борбордук Шайлоо комиссиясынын 14-апрелде өткөн жыйынында кабыл алынды. БШК түзгөн эсеп боюнча шайлоонун биринчи туруна 40 миллион сом жумшалат. Анткени, шайлоого чейин 2200 участкалык, 56 райондук,облустук Бишкек,Ош шаардык комиссияларын түзүп, алардын иштөөсүн камсыз кылуу керек. Андан тышкары акча талапкерлердин маалымат каражаттарына акысыз катышуусуна, чет өлкөлөрдө добуш берүүнү уюштурууга, байкоочуларды даярдоого жумшалат.
