Америка Кошмо Штаттарынын 59 белгилүү адамы өлкө Сенатына кат жазып, Бириккен Улуттардагы АКШнын элсиси кылып Жон Болтонду бекитпөөнү бүгүн суранды. Тышкы байланыштар боюнча комитеттин төрагасы сенатор Ричард Лугарга тапшырылган катка - бир нече америкалык президенттин алдында иштеген атактуу дипломаттар кол койгон. Болтондун талапкерлигин президент Жорж Буш көрсөттү, ал буга чейин мамлекеттик катчынын орун басары болуп иштеген, дипломаттардын айтымында, Кытай жана Түндүк Корея менен АКШ ортосундагы мамилелерге Болтон бир топ зыян тийгизген.
