Бүгүн Экономиканы өнүктүрүү министри Амангелди Муралиев 24-марттагы окуяларда талоончулуктан жапа чеккендерди чогултуп, жыйын өткөрдү. Анда жапа чеккендердин тарткан зыянын аныктап, тактоо жана аны төлөп берүүнүн жолдору такталды. Жыйынга "Бета-сторес", "Мадина" сыяктуу соода түйүндөрүнүн өкүлдөрү жана Бишкек мэриясынын алдында түзүлгөн атайын комиссиянын өкүлдөрү катышты. 24-марттагы ыңкылап учурда 107 обьект талкаланып, тонологону белгилүү болду. Бул тизменин катары дагы өсүшү мүмкүн. Бишкек вице-мэри Слизовскийдин айтымында 900 миллиондон ашуун сом зыян келтирилген.
