БИШКЕК. Улуу Британиянын тышкы иштер министринин орун басары Билл Раммель Кыргызстандагы окуяларга байланыштуу билдирүү жасады. Анда Билл Раммель мырза өлкөдөгү тараптарды салмактуу мамиле жасоо менен, саясий диалог аркылуу кырдаалды жөнгө салууга чакырган. Улуу Британиянын тышкы иштер министрлигинин өкүлү ошону менен бирге Кыргызстандын президенти Аскар Акаевдин өлкөдө күч колдонулбайт деген билдирүүсүн колдоорун белгилеген. Анын пикиринде, өлкөдө түзүлгөн оор кырдаалдын шартында адам укуктарынын сакталышы камсыздалып, атуулдарын өмүрү коркунучка кабылбашы керек.
