БИШКЕК. Кыргызстандын Тышкы иштер министрлиги өлкөдөгү саясий кырдаал боюнча 17-мартта билдирүү таратты. Билдирүүдө парламенттик шайлоонун биринчи, экинчи айлампалары болуп көрбөгөндөй мыйзамдуу, эл аралык талаптарга ылайык өткөндүгү белгиленген. Ошондой эле министрлик соңку мезгилдери өлкөнүн бир нече жеринде өтүп жаткан нааразылык иш чараларын мыйзамсыз деп баалап, анын катышуучуларын тарап кетүүгө үндөгөн. Ал эми өлкөнүн бир нече жеринде өтүп жаткан нааразылык иш чаранын катышуучулары шайлоо адилетсиз, мыйзам бузуу менен өткөндүгүн айтышып, анын жыйынтыгын жокко чыгарып, мамлекет башчы Аскар Акаедин кызматтан кетүүсүн талап кылышууда.
