БИШКЕК. Накен Касиев Атбашы райондук соттун чечимин жокко чыгаруу үчүн жакынкы күндөрдө Жогорку сотко арыз менен кайрылат. Бул тууралуу Касиевдин ишенимдүү өкүлү Жедигер Саалаев 15-мартта билдирди. Анын айтымында, Атбашы райондук соту Касиевдин арызын канааттандырбоо жөнүндө чечимин дүйшөмбү күнү чыгарган. Арызда Касиев Атбашы шайлоо округунда шайлоочуларды массалык түрдө сатып алуулар, административдик каражаттарды пайдаланууга байланыштуу шайлоонун жыйынтыгын жокко чыгарууну талап кылган.
