Кабарчылардын баамында көчөгө чыккандардын саны Сирияны колдогон кечээги демонстрациянын катышуучуларынан көп. Бул нааразылык иш -чарасы өлкөнүн мурдагы премьер- министри Рафик Харири киши колдуу болгонунун бир жылдыгына тушташ өткөрүлдү. Ливандыктардын көпчүлүгү Хариринин өлүмүн коңшу Сириядан көрөт. Дамаск болсо ага тиешеси жок экенин дембе-дем айтып келүүдө. Сирияга эл аралык да кысым көргөзүлгөндүктөн ал Ливандагы аскерлери менен чалгынчыларын чыгарып кетээрин буга чейин эле жарыялаган, бирок аскерлер биртоло чыгып кетүүчү мөөнөттү айта элек.
