Сириянын президенти Коопсуздук Кеңешинин 1559-резолюциясына ылайык Ливандагы бардык аскерлерин жана чалгын кызматкерлерин алып кетүүгө сөз берди. Сириялык аскерлер эки баскычта чыгарылат, - деди БУУнун өкүлү Терйе Роес-Ларсен. Роес-Ларсен кечээ Алеппо шаарында Сириянын президенти Башар ал-Ассад менен жолукту. Анын айтымында, биринчи баскычта бардык сириялык аскерлер март айынын аягына чейин Ливандын чыгышындагы өрөөнгө которулат, экинчи баскычта бардыгы Сирияга чыгарылат. Бул баскычтын мөөнөтү кабарланган жок.
