НАРЫН. Депутаттыка талапкер Ишенбай Кадырбековдун жактоочуларынын мындай кадамга барууларына № 33 округдук шайлоо комиссиясынын 5-март күнү кечинде чыгарган токтому себеп болгон. Бул токтом экинчи бир талапкер Карганбек Самаков тарабынан округдук комиссияга жергиликтүү «Алмаз-Нарын» радиостанциясы жалган маалымат таратып, Ишенбай Кадырбековдун өкүлү мыйзамсыз иш аракет жүргүздү деген арыз 3-мартта түшкөн арызынын негизинде чыгарылган. Аймактык комиссия арызды 5-мартта карап, жыйынга катышкан комиссия он үч мүчөсүнүн сегизи талапкер Ишенбай Кадырбековдун талапкерлиги каттоодон алынсын деп кол коюшкан. Мындай кабардан соң 6-мартта Нарын шаарындагы борбордук аянтка эки миңге жакын эл топтолуп митинг өткөрүп жатышса, Нарын районундагы Карачий айылынын жанындагы Акмойнок деген жерде бир миңге жакын адам Бишкек-Торугарт жолун бөгөшүп, Кочкор тараптан келе жаткан губернатор Шамшыбек Медетбековду жана Нарын районунун акими Рысбек Шалтаевди кармап алышты. Бир аз убакыт өткөн соң пикетчилер бийлик өкүлдөрүн койо беришти.
