БИШКЕК. ЕККУнун улуттук азчылыктар боюнча Башкы Комиссары Рольф Экеус 3-мартта Бишкекке бир күндүк иш сапары менен келди. Ушул эле күнү ал жабык эшик артында мамлекет башчы Аскар Акаев, Тышкы иштер министри Аскар Айтматов менен жолугушту. Президенттин маалымат кызматынын кабарлоосуна караганда, мамлекет башчы менен жолугушуу учурунда парламенттик шайлоонун биринчи турунун жыйынтыгы тууралуу пикир алмашуу болду. Кыргызстандагы парламенттик шайлоого байкоочулук кылган ЕККУ баш болгон эл аралык байкоочулар шайлоо өнөктүгү жана добуш берүү учурунда олуттуу мыйзам бузуулар орун алгандыгын коомчулукка маалымдашкан.
