КАРАКОЛ. Арыз катка депутаттыкка талапкерлер Болот Байкожоев, Эркинбек Алымбеков, Бурулсун Рыскулова кол коюшкан. Алардын билдиргенине караганда, Ысыккөл облусунун губернатору Токон Шайлиева талапкер Бурулсун Рыскуловадан «талапкерлигиңен баш тарт, атаандашың Догдургүл Кендирбаевага жол бошот» деп ага кысым көрсөткөн. Мындай кысымдан кийин Рыскулованын ден соолугу кескин начарлап, ал "тез жардам" чакыртууга аргасыз болгон. Талапкерлер бул арызын Башкы прокуратурага жана Борбордук шайлоо комиссиясына жөнөтүштү.
