Аз-Заркави ирактыктарды шайлоого катыштырбоо үчүн чабуулду күчөтөт

Белгилүү террорчу Абу Мусаб аз-Заркави Ирактагы шайлоого согуш жарыялады. Ислам вебсайтында бүгүн чыккан үнтасмада “ал-Каида” уюму менен байланыштагы аз-Заркави шайлоонун максаты Иракты каапырларга багындыруу деген пикирин айтат.
Шайлоодо Ирактын калкынын көбүн түзгөн шииттер жеңишке жетет жана сунни козголоңчулары добуш берүүгө калкты чыгарбоо үчүн чабуулдарын күчөтөт деп күтүлүүдө.