БИШКЕК. Эртең Бишкекте балдардын жакырчылыгын талдаган эки күндүк конференция ишин баштайт. Бул иш чарага премьер-министр Николай Танаев баштаган расмий жетекчилер, жарандык коомдун өкүлдөрү, эл аралык эксперттер, Дүйнөлүк Банк, Эл аралык Валюта Кору, ЮСАИД өңдүү донор уюмдардын өкүлдөрү катышат. Конференциянын алкагында ЮНИСЕФ уюму 2004-жылы жүргүзгөн социалдык иликтөөсүн жарыялайт. Балдардын жакырчылыгын талдаган бул иш чараны ЮНИСЕФ, Улуттар Уюмунун өнүгүү программасы, Мээрим фонду өңдүү уюмдар каржылоодо.
