Бүгүн Австрияда борбор европалык 17 мамлекеттин бийик жолугушуусу болуп өттү. Ага катышкан Австрия, Италия жана Европа Биримдигине жаңы мүчө болуп кирген 10 жумурият менен Балкан өлкөлөрүнүн өкмөт башчылары Украина жетекчилигине кайрылып, 21-ноябрда болуп өткөн президенттик шайлоо учурунда орун алган мыйзам бузуулар менен бурмалоолор боюнча толук тергөө өткөрүүгө чакырышты. Андан тышкары алар түзүлгөн абал тынчтык жолу менен жөнгө салынууга тийиш деп билдиришти.
