БИШКЕК. Бүгүн Кытайдын коомдук коопсуздук министрлиги Кыргызстандын ички иштер министрлигине баасы 252 миң 700 юань турган техникалык жардам берди. Мындай маалымат министрликтин басма сөз кызматынан алынды. Берилген жардамдын натыйжасында министрлик цифранын жардамы менен тарта турган 10 фотоаппарат, 10 видеокамера жана кылмыш болгон жерден алынган материалдар сакталуучу 30 сандыкка ээ болду. Мындан тышкары Кытай ушул айдын аягында министрликке «Пекин» маркасындагы джип автомашинасын берет.
