Ооганстандагы шайлоонун алгачкы жыйынтыктары чыкты

БУУ менен Ооганстандын биргелешкен шайлоо комиссиясы ишемби күнкү добуш берүүнүн эң алгачкы жыйынтыктарын жарыялады.
Комиссиянын өкүлү Рэг Остин шайлоого 8 миллионго чукул оогандык, же шайлоо каттосунан өткөн адамдардын 75-85 пайызы катышканын билдирди. Бүгүн эртең менен Кабул, Кундуз жана Кандагарда уюштурулган борборлордо бюллетендерди саноо башталган. Калган 5 борбордо болсо бул жараян ишембиге чейин башталат деп күтүлүүдө.