ОСЛО. Мунай секторунда бир жумадан бери уланып жаткан иш таштоону токтотуу үчүн Норвегиянын өкмөтү компаниялар менен кесиптик уюмдардын соодалашууларына ортомчу болууну сунуш кылды. Бул сунуш мунай компаниялардын башчылыгы Түндүк деңиз жээктериндеги мунай платформаларында иштеген сандаган жумушчуларды иштен бошотуп, дүйнөнүн үчүнчү эң ири мунай өндүрүшүндөгү жумушту дээрлик токтотуп салаарын жарыялаган соң, киргизилип отурат. Адатта Норвегиянын өкмөтү өлкөнүн экономикасына ири залака келтирчү бул өңдүү талаштарда ортомчу болот.
