Бул тууралуу кечээ Атом энергетикасы боюнча эл аралык агенттиктин директору Мохамед эл-Барадейи маалымдады. Ал ошондой эле Ирандын экинчи отчету өзөктүк программасына тиешелүү маалымттарды толук камтырына ишеним билдирди. МАГАТЭ өткөн аптада анын Ирандагы инспекторлору өзөктүк курал жасоодо керектелүүчү зат – байытылган урандын жаңы белгилерин тапканын кабарлаган эле. Тегеран кечээ бул боюнча МАГАТЭге толук түшүндүрмө бергенин, байытылган урандын белгилери эл аралык кара базардан сатылып алынган жабдуудан табылганын билдирди.
