БИШКЕК. 5-майда Алматы шаарында Борбор Азия кызматташтык уюмуна кирген өлкөлөрдүн парламент өкүлдөрүнүн экинчи жолугушуусу болот. Ага Мыйзам чыгаруу жыйынынын төрагасы Абдыганы Эркебаев башында турган парламент өкүлдөрү катышат. Жыйында Борбор Азия кызматташтыгына кирген өлкөлөрдүн парламенттеринин туруктуу иштей турган органын түзүү маселеси талкууланат. Отурумга Казакстандын президенти Нурсултан Назарбаев катышып сөз сүйлөйт. Бул тууралуу Мыйзам чыгаруу жыйынынын маалымат кызматынан кабарлашты.
