ЖАЛАЛАБАД. Америка Кошмо Штаттарынын элчиси Стивен Янгды облустун губернатору Жусупбек Шарипов кабыл алып, облустагы социалдык-экономикалык абал менен тааныштырды. Ошондой эле өлкөгө өткөөл кырдаалда берген жардамы, реформаларды колдогондугу жана демократияны орнотуудагы салымы үчүн АКШга ыраазылыгын билдирди. Элчи мырза Фергана өрөөнүндөгү проблемаларды жөнгө салуу боюнча оюн билдирип, Жалалабад университетинин окутуучу, студенттери менен баарлашты. Жолугушууда элчиликтин жардамы менен былтыр ачылган «Америка ордосу» окуу жайга жакшы пайда берип жаткандыгын билди.
