Грузиянын жаңы коргоо министри дайындалды

ТБИЛИСИ. Кечээ Грузиянын президенти Михаил Саакашвили Гела Бежуашвилини коргоо министрлигине дайындады. Г. Бежуашвили аскер адамы эмес, ал АКШдагы Гарвард университетинен окуп, адвокат адистигин алган. Акыркы 3 жылда Грузиянын коргоо министринин орун басары болуп иштеген. Эми анын талапкерлигин парламент жактырууга тийиш. Президент М. Саакашвилинин айтымында, Г.Бежуашвили эң алды НАТО менен, жана Орусия менен мамилени жакшыртышы керек.


Таңкы жаңылыктарды даярдаган Кубат Оторбаев, Прага