БИШКЕК. Бүгүн Жогорку Кеңештин Мыйзам чыгаруу жыйынынын бир канча комитеттери биргелешип «Кумтөр алтын» долбоорун реструктуризациялоо маселесин карады. Анда Кумтөр алтын кенин кошуп «Сентерра голд компаниясын» түзүү тууралуу өкмөт кол койгон макулдашуу палатанын 2003-жылдын 20-июлунда кабыл алынган токтомуна карама-каршы деген чечимге келишти. Андан тышкары бул маселе боюнча парламенттик угуу өткөрүлүп, андан кийин премьер-министр Николай Танаевдин маалыматын угуу зарыл деген бүтүм кабылданды.
