Ливиянын жапырт кыргын салуучу куралдардар программасын текшерүү максатында ал жакка америкалык эксперттердин тобу барды

АКШнын мамлекеттик катчысы Колин Пауэлл америкалык адистер Британиялык жана Атомдук энергия боюнча эл аралык агенттиктин эксперттери менен чогуу жапырт кыргын салуучу куралдарды кантип жок кылуунун жолдорун аныкташат деп билдирди.
Вашингтон жана Лондон Ливия менен 9 ай бою жашыруун сүйлөшүүлөрдү жүргүзүшкөн. Ал сүйлөшүүлөрдөн кийин өткөн жылдын декабрь айында АКШнын президенти Жорж Буш жана Британиянын премьер-министри Тони Блэр Ливия менен жапырт кыргын салуучу куралдарды жоюу боюнча сүйлөшүү ийгиликтүү аяктады деп жарыялашкан.