БИШКЕК. 5-декабрда Өкмөт үйүндө Акыйкат башкаруу боюнча улуттук кеңештин жыйыны өттү. Анын жүрүшүндө март айына чейин өлкөнүн башкаруу системасын реформалоо боюнча стратегияны иштеп чыгуу белгиленди. Андан сырткары быйыл жогорку окуу жайларга тест сынагы менен студенттерди кабыл алуу ыкмасын жайылтуу, атуулдарга паспорт жана инсандыгын күбөлөндүрүүчү башка документтерди берүүнү өкмөттүн алдындагы Маалымат ресурсу жана технологиясы боюнча агенттикке тапшыруу, электрондук өкмөт программасынын аткарылышы боюнча иш-чараларды өткөрүү пландаштырылды.
