Вашингтондун бул чечимин президент Буш кайрадан бышыктады. Ал эми операцияга каршы чыккан өлкөлөрдүн компаниялары Ирак экономикасын кайра куруу боюнча контракттарга катыштырылбайт. Еврокомиссиянын өкүлү Рейо Кемппинен Вашингтондун аракетин “саясий каталык” деп баалады. Бүткүлдүйнөлүк соода уюму Ирактагы америкалык бийликтер менен түзүлгөн контракттар эл аралык соода-сатык эрежелерине кайчы келчү болсо АКШга санкцияларды жарыялашы мүмкүн. Вашингтонду бул чечимин кайра карап чыкканга ООНдун баш катчысы Кофи Аннан да чакырды.
