БИШКЕК. 2-декабрда Голландиянын Маастрихт шаарында Европадагы Коопсуздук жана Кызматташуу Уюмунун тышкы иштер министрлеринин 11-жолугушуусу аяктады. Кыргызстандын ырасмий делегациясын Тышкы иштер министринин биринчи орун басары Талант Кушчубеков баштап барды. Адам укугун коргоо боюнча кыргыз комитетинин төрагасы Рамазан Дырылдаевдин шейшембидеги кабарлоосуна караганда, ал Аксы окуясын иликтөөгө ЕККУнун кийлигишүүсү зарыл экендигин Тышкы иштер министрлеринин жыйынына катышкандар менен болгон жолугушууда көтөргөн.
