БАГДАД. Ирак өкмөтүнүн кол салуудан жараат алган өкүлү Акила ал-Хашиминин ахвалы начарлоодо. Бул жөнүндө Башкаруучу Кеңештин өкүлү билдирди. Ал-Хашими АКШнын Багдаддагы госпиталында дарыланып жатат. Ал-Хашими Улуттар Уюмунун Жалпы ассамблеясына катышуу үчүн ушул жумада Нью-Йоркко бармак болчу. Аны белгисиз адамдар үйүнүн жанынан машинеде отурган кезде атып кетишкен. Ахмад Чалаби бул кол салуунун жоопкерчилигин Саддам Хусейиндин кишилерине жүктөгөн.
