Тажикстандын Жогорку соту бүгүн 1995-96-жылдарда ОРТ жана Би-Би-Си телеканалдарынын журналисттерин өлтүрүүгө катышы бар деп айыпталган Ахтам Тохировду 22 жылга, Назирбек Давлатовду 15 жылга түрмөгө кести. Сотто аларды өлтүрүүгө талаа командири Эшан Нозим көрсөтмө берген деп айтылды. Эшан Нозим 1997-жылы Тажикстандын өкмөттүк аскерлери менен бирдиктүү оппозиция күчтөрүнүн кагылышуусу учурунда набыт кеткен. Тажикстандагы атуулдук согуш маалында бардыгы болуп 73 журналист каза болгон.
