БИШКЕК. 29-июлда Алматыда Шанхай кызматташтык уюмунун улуттук координаторлор кеңешинин кезектеги отуруму болот. Аны менен кошо антитеррордук структураны ачуунун механизмдерин мүчө мамлекеттердин эксперттери тогузунчу отурумунда талкуулашат. Мындан тышкары каржы тармактарынын эксперттери да чогулушат. Жыйында өкмөт башчылар жана тышкы иштер министрлер кеңештеринин сентябрга белгиленген Пекин жана Ташкен отурумдарына даярдыктарды көрүшөт. Бул тууралууу тышкы иштер министрлигинин маалымат кызматы дүйшөмбүдө билдирди.
